’n Jaarlikse mentorskapprogram vir vyf ontluikende dramaturge wat begelei word om nuwe dramatekste te ontwikkel sodat dit as professionele teaterproduksies by die jaarlikse fees debuteer. Die mentorskapprogram sluit ’n skrywersverblyf van drie weke by die Jakes Gerwel Stigting se Paulet Huis in KwaNojoli in.

Hoe dit werk: Belowende dramaturge doen aansoek vir deelname aan ’n uitgebreide program, aangebied deur professionele teaterlui, om nuwe tekste te ontwikkel en te verfyn en uiteindelik as professionele produksies op die Suidoosterfees-verhoog te debuteer.